Jirafa

Jirafa jatorriz Afrikakoa den ugaztun ungulatua da. Jirafa oreinen eta behien ahaidea da, baina beste familia batean dago sailkaturik, Giraffidae familian alegia. Familia honetan jirafa bera eta bere ahaide hurbila den okapia soilik daude. Lurrean bizi den animaliarik altuena eta hausnarkaririk handiena da. Azalean orban handi irregularrak ditu, horixkatik hasi eta beltz kolorerainokoak, marra zuri, horixka edo beltzez banatuak. Lepo eta hanka luzeak izan arren, bere gorputza nahiko motza da, eta isatsa belaunetaraino iristen da. Mihi luzea du, luzagarria zein bilgarria da gihar berezi batzuei esker.